BERRIAK

II. Athletic Club Fundazioa-El Correo Kirol Kazetaritza Txapelketa

San Mamesen Ligako partida den egun batean kazetari izan nahi al duzu? Partida zuzenean jarraitu, protagonistei galderak egin eta horren ostean zuk idatzitako kronika El Correoko orrialdeetan argitaratuta ikusi nahi al duzu? Argazkilari akreditatua izan nahi al duzu eta partida zelaian bertan jarraitu, ondoren lankide baten kronika zure argazkiarekin laguntzeko?  Athletic Club Fundazioak, El Correok eta El Corte Inglesek hori guztia posible egingo dute II. Athletic Club Fundazioa-El Correo Kirol Kazetaritza Txapelketaren bidez.

 Oinarriak:

Parte har dezakeena: Munduko edozein aldeko umek har dezake parte, banaka (argazkien edo testuen atalean) zein bikoteka (erreportaien atalean). Baldintza bakarra 1995ko urtarrilaren 1etik 2002ko abenduaren 31 bitartean jaio izana da.

Aurkeztu beharrekoa: Lehiaketara kirol kazetaritza erreportaiak aurkez daitezke (hau da, gaiaren beraren inguruko testuak bai euskaraz bai gaztelaniaz eta testuari buruzko argazkiak), kirolarekin lotutakoak.

Edozein kirolaren edo kirola bizitzeko moduaren ingurukoa izan daitezkeela hartu behar da kontuan, eta ez du nahitaez futbolarekin lotura izan behar. Argazki eta testuen bidez zuen inguruko istorioren bat kontatu behar diguzu, zuen ustez nabarmendu beharrekoa dena. Adibidez, zure auzoko futbol taldearen ingurukoa, arratsaldero bizikletaz doazen lagunena, larunbatero mendira doan senidearena, Athletic zale amorratua den auzokoarena, etabar.... Hau da, zure ustez interesgarriena den hori, lau haizeetara kontatu nahi duzun hori. Gai edo agertoki bezala, kirolak garrantzia hartzen duen ipuin edota narrazio laburra aurkez dezakezu, jakina!

Aurkeztu beharreko modua: Erreportaia edozein euskarrian presentatu ahal dira, bai papel batean bai era digitalean (Word, PDF). Kontuan hartu, edozein kasutan ere, jatorrizko lan zein argazkiak ez zaizkiola egileari itzuliko.

Artxibo digitalak ondorengo helbidera bidali behar dira: concursofoto@athletic-club.net

Jatorrizkoak beste helbide honetara:

Argazki eta Idazlan lehiaketa

Athletic Club Fundazioa

Ibaigane Jauregia

Mazarredo 23, 48009 Bilbao

Gogoratu, batean zein bestean zure izen-abizenak eta heldu baten (aita, ama, tutorea)  datuak (izen-abizenak, telefonoa...) ezinbestekoak direla aipatzea. Irabazten baduzu hark jasoko du deia jakinarazteko.

Sariak zeintzuk diren: Hauxe da alderik onena. Lau irabazle izango dira (bikote lana bada biok irabaziko dute). Irabazleek argazki kamera digital zoragarri bat jasoko dute eta baita kirol argazkilaritza klasea ere San Mamesen bertan, ligako partidaren batean. Idazlanen ataleko irabazleek 200€-ko bonoa jasoko dute El Corte Inglesen liburuak erosteko, eta baita kirol kronika bat nola egiten den ikasteko klasea ere, San Mamesen bertan, ligako partidaren batean, kazetariaren akreditazioarekin.

Noiz arte dudan aurkezteko aukera: Apirilaren 7an amaitzen da epea......Azkar ibili!

Irabazleen izenak noiz emango diren argitara: Apirilaren 11ko astean, Ertzilla kaleko El Corte Ingleseko Kirol Dendan egingo den sari banaketan.

Zalantzak ditut!: Eta argitzeko zeren zain zaude? Deitu 94.661.20.04. telefono zenbakira edota bidali mezua concursofoto@athletic-club.net helbidera, gustora erantzungo dizugu.