Ipuinak bukatzeko formulak...
Eta hala izan bazan, sar dadila kalabazan.
Eta hala izan bazan, sar dadila kalabazan eta ager dadila Derioko plazan.
Hori hala bazan, sar dadila kalabazan eta atera dadila Bitoriako plazan.
Hala bazan edo ez bazan sar dadila kalabazan.
Haiek ondo bizi baziren, gu ere ondo bizi gaitezen.
Haiek ondo bizi baziren, gu hobeto bizi gaitezen.
Haiek ongi bizi? Gu hobeki.
Geroztikako berririk ez dakit nik....
Geroztikako berririk ez dut nik ukan. Egia bada, sakelean sar eta gezurra bada kontuan ez har.
Ontsa bizi izan ziren. Ontsa hil ziren, horretan fini da istorioa.
Ongi bizi baziren, arabera hartara hil ziren.
Egia bada sinets, gezurra bada ez sinets.
Eta bere amarekin eta bi anaiekin aberats bizi izan zen, Jainkoak daki zenbat luzaz.
Eta laurogei urtetan, gero, joan da betiereko zorionaz bere anaia gaixoarekin bizitzera.
Han (zeruan) ikusiko dugu, hara egun batean joaten garelarik, atearen ondo-ondoan, eskuineko atetik.
No hay comentarios:
Publicar un comentario